(Kabacan, North Cotabato/ April 9, 2013) ---Sasailalim
sa Garantisadong Pambata Program ang mga 17 buwang sanggol pababa na mga bata
sa bayan ng Kabacan bilang taunang programa ng Department Of Health o DOH.
Sa panayam ng DXVL Radyo ng Bayan kay Municipal Health Emergency
Management staff Honey Joy Cabellon, RN gagawin sa April 15 hanggang sa Mayo
a-22 ng kasalukuyang taon ang nasabing aktibidad.
Ang GP activity ay kinabibilangan ng
pagtitimbang, pagbibigay ng libreng Vitamin A at deworming.
Bukod dito, bibigyan din ang mga nagbubuntis
na ina ng ferrous sulfate kasama na ang mga lactating mothers.
Sinabi ni Cabellon na maliban sa nabanggit
na aktibidad, magsasagawa rin sila ng enlistment o data bangking sa mga ito.
Ang programa ay naglalayong palawakin ang
public health services ng DOH sa mga constituents nito.
Kasama sa pag-iimplementa sa programa ang
Barangay council chairman, BHWs, BNS at community Health Team member.
(Rhoderick Beñez)
0 comments:
Mag-post ng isang Komento