(USM, Kabacan, North Cotabato/ April 11,
2013) ---Inilatag na ng Security Services and Management ng University of
Southern Mindanao ang security measures para sa dalawang araw na graduation
rites ng USM na magsisimula bukas.
Sinabi ni Director for Security Services and
Management Orlando Forro na humiling na ng augmentation troops ang kanyang
pamunaun sa Pulisya at sa militar.
Ito para tiyakin ang seguridad sa paligid ng
pagdadausan ng cluster graduation bukas at ang commencement program sa
Amphitheater sa araw ng Sabado.
Ginawa ng opisyal ang pahayag sa isang
executive meeting sa tanggapan ni Mayor George Tan kaninang umaga kasama ang
regular na kasapi ng Municipal Peace and Order Council.
Nagpahayag naman ng suporta ang PNP Kabacan
sa tulong ni P/Supt. Leo Ajero, hepe ng Kabacan PNP batay sa sulat na ipinadala
ni OIC Pres. Dr. Teresita Cambel kay P/SSupt. Danilo Peralta, North Cotabato
Provincial Director.
Bukod sa pulis, ipapakalat rin sa USM
compound ang bomb Squad team kasama ang kanilang K9 at mga militar buhat sa 602nd
Brigade na pinamumunuan ni B/Gen. Edimar Tommaro. (Rhoderick Beñez)
0 comments:
Mag-post ng isang Komento