(Kabacan, North Cotabato/ April 9, 2013) ---Nasunog
ang dalawang palapag na dormitoryo na nasa Arcedo St., Poblacion, Kabacan,
Cotabato pasado alas 10:00 ngayong gabi lamang.
Sa eksklusibong panayam ng DXVL
Radyo ng Bayan kay Purok President Aida Vallescas nabatid na ang
nasunod na dormitoryo ay lumang bahay at karamihan ay gawa sa kahoy.
Tuluyang natupok ang Miriam’s Dormitory
kahit pa man agad na nakaresponde ang mga kagawad ng apoy.
Nahirapang pasukin ng mga bumbero ang
nasabing bahay dahil sa makitid na daanan nito.
Ayon sa opisyal, may tatlong estudyante
umanong nakatira sa nasabing dormitoryo, pero inihayag nitong nasa ligtas naman
silang kalagayan ayon sa kasama nito sa bahay ng mangyari ang sunog.
Wala naman umanong may na trap sa nasabing
sunog.
Tuluyang naapula ng mga kagawad ng pamatay
apoy ang sunog pasado alas 11:00 na ng gabi.
Ang masakit pa, bukod sa mahirap pasukin ng
firetruck, may deperensiya pa ang ilang hose ng bumbero na nagresponde sa
nasabing sunog.
Wala namang may nadamay na mga kalapit bahay
ang nasabing sunog.
Di pa mabatid kung anu ang pinagmulan ng
sunog makaraang wala umanong kuryente ang nasabing dormitory dahil sa naputulan
ito. (Rhoderick Benez)
0 comments:
Mag-post ng isang Komento