May sapat na supply ng bigas sa Rehiyon –DA 12

(Koronadal City/ June 3, 2015) ---Bagama’t may napipintong pagtaas ng presyo ng bigas sa bansa, tiniyak naman ng Kagawaran ng Pagsasaka sa Rehiyon 12 na may sapat na supply ng bigas ang National Food Authority.

Ito ang sinabi ni DA 12 Regional Executive Director Amalia Jayag Datukan sa isang pulong pambalitaan na isinagawa sa Viajera Resto Bar, Koronadal city kahapon ng umaga.

Aminado naman opisyal na may nababadyang pagtaas ng presyo ng bigas sa bansa pero hindi naman deriktang sinabi ni Director Datukan kung apektado ng pagtaas ng presyo ng bigas ang Rehiyon.

Ginawa ng opisyal ang pahayag sa isinagawang press briefing kaugnay sa epekto ng el niño sa Rehiyon.

Sa datos na inilabas ng DA 12, ang North Cotabato ay nakapagtala ng 5,919.20 ektarya ang naapektuhan ng nagdaang tagtuyot sa 17 mga munispyo, 15,815 na ektarya sa mais at 572 na ektarya sa High Value Crops.

Iginiit naman nito na ang Soccsksargen ay 128% Tri sufficient sa palay.

Dahil dito, may mga ayudang ibinibigay ang ahensiya sa  pamamagitan ng Pass-over Scheme sa mga magsasaka sa rehiyon sa pamamagitan ng kooperatiba o irrigator’s association at pangkat ng mga magsasaka.

Ibigsabihin nito, ipapasa naman ng grupo ng mga magsasaka ang binhi at abono sa susunod na miyembro ng grupo sa pamamagitan ng cash, ayon kay Director Datukan.

Ang bagong paraan ng pagbibigay ng tulong ng Kagawaran ay sa pamamagitan ng High Yielding Technology Adoptation o HYTA kungsaan may nakahanda ng 48,570 bags ng rice seeds at 3,890 bags of corn seeds ang handa ng ipamimigay sa pamamagitan ng nasabing programa.

Ang Press Briefing ay isinagawa ng DA 12 upang maipabatid ang epekto ng El Niño sa Agrikultura katuwang ang Philippine Information Agency 12 sa pamumuno ni PIA 12 Regional Director Olivia Sudaria. Rhoderick Beñez