(Kabacan, North Cotabato/ June 2,
2015) ---Nasa 40 na mga sasakyan ang naka-impound ngayon sa himpilan ng Kabacan
PNP matapos isinagawa ng Traffic Management Unit o TMU kasama ang pinagsanib na
pwersa ng Kabacan PNP ang OPLAN kolurom sa bayan ng Kabacan kahapon.
Ayon kay Kabacan TMU Head Ret. Col.
Antonio Peralta sa panayam ng DXVL News, 1 tricycle na may rutang USM compound;
16 na kolurom na tricycab, 1 van at 1 multicab na pumipick-up ng mga pasahero
sa mga ipinagbabawal na lugar ang kanilang nahuli kahapon ng umaga pa lamang.
Anya, pagsapit ng hapon ay kanila
ring sinurpresa ang ilang mga terminal ng Kabacan Public Market, ang terminal
ng mga trysikel na may biyaheng Poblacion-Kilagasan at Cuyapon at nakahuli sila
ng 19 na mga trysikel na lahat ay kolurom at nakahuli rin ng 1 motorsiklo naman
ng lumabag sa batas trapiko.
Ginawa ng opisyal ang aksyon matapos
na makatanggap ng reklamo mula sa mga legal na nag-o-operate na trysikel
operators at drivers na marami na umanong kulorom na bumabiyahe habang sila
naman ay nagbabayad ng tamang buwis upang makapamasada ay nadedehado.
Dagdag pa ng opisyal na patuloy ang
kanilang gagawing surprised inspection sa ibat-ibang mga terminal sa bayan
upang matugunan ang mga reklamo ng mga trysikel drivers at operators na legal
na nag-o-operate.
Kasama rin umano sa kanilang hinuhuli
ay ang mga motoristang hindi sumusunod sa batas trapiko para sa mga slow moving
vehicles sa bayan sa kabila ng malaking
tarpaulin sa National Highway at nabigyan na rin umano anya ang mga motorista
ng seminar tungkol dito. Mark Anthony
Pispis
0 comments:
Mag-post ng isang Komento