(Amas,
Kidapawan city/ June 3, 2015) ---Kahit na sa kalagitnaan na ng Mayo, 2015 inilunsad
ang 1st Gov Lala Kids Summerkadahan Basketball Camp o KSBC, naging matagumpay
naman ito sa abot sa pitong munisipyo at lungsod ng Kidapawan kung saan ito
ginawa.
Ayon
kay Romeo “Boy” Anito, Provincial Sports Coordinator, nakapagtala ng abot sa
300 na mga batang edad 7-10 years old ang Midsayap kung saan iilungsad ang KSBC
partikular sa Midsayap Pilot Elem. School noong Mayo 16-18, 2015.
Sumunod
rito ay ang Carmen noong May 19-21; Pigcawayan at Alamada noong May 22-24;
Matalam at Tulunan noong May 25-27 at ang Makilala at Kidapawan noong Mayo
28-30, 2015 kung saan sa bawat munisipyo ay mahigit 300 mga batang lalaki at
babae ang lumahok.
Tinuruan
ng tamang paghawak, dribble at shooting ng bola ang mga bata sa pamamagitan ng
scientific basketball training.
Layon
ni Gov Lala Taliño-Mendoza na malinang ang husay ng mga bata sa basketball at
palakasin ang sportsmanship at camaraderie sa murang edad ng mga bata.
Ayon
pa sa gobernadora, sa pamamagitan ng sports ay magiging malakas ang
pangangatawan ng mga bata at mailalayo pa sila sa mga di kanais-nais na bagay
tulad ng iligal na droga at iba pang mga bisyo.
Maliban
dito ay maaari pang makatuklas ng mga potential athletes mula sa hanay ng mga
batang kalahok at posibleng maging mahusay na basketbolista ng bansa.
Nais
naman ng Provincial Sports Coordinating Office na maging bahagi na ng Sports
Development Program ng Provincial Government of Cotabato ang Kids Summerkadahan
Basketball Camp at maipatupad ito sa iba pang mga bayan sa Lalawigan ng
Cotabato. (JIMMY STA. CRUZ-PGO Media Center)
0 comments:
Mag-post ng isang Komento