Christine Limos
(Kabacan, North Cotabato/ June 1, 2015) ---Naglatag ng seguridad
ang Kabacan PNP katulong ang Traffic Management Unit sa pagsasa ayos ng trapiko
sa pagbabalik pasukan ngayong araw.
Ito ang inihayag ni PSI Ronnie Cordero,
hepe ng Kabacan PNP sa panayam ng DXVL news.
Aniya, naglagay umano sila ng police assistance center para
maserbisyuhan ang mga nangangailangan sa pagbubukas ng klase.
Dagdag pa ng opisyal na nakapagtalaga na ng mga pulis sa iba’t
ibang pangunahing paaralan lalo na sa University of Southern Mindanao sa bayan
ng Kabacan upang magbantay sa seguridad ng mga estudyante.
Umaasa naman ang opisyal na magtutuloy-tuloy na ang peace and
order sa bayan ng Kabacan.
0 comments:
Mag-post ng isang Komento