(Kabacan, North Cotabato/ June 2,
2015) ---Todo paalala ngayon ang Kabacan PNP sa publiko na maging maingat sa
mga matataong lugar matapos ang naitalang pagnanakaw sa isang Commercial
Building sa USM Avenue, Poblacion Kabacan Cotabato dakung alas 7:00 kamakalawa
ng gabi.
Kinilala ng Kabacan PNP ang biktima
na isang Baikong Ebrahim Bucocan, 27 anyos, may asawa, isang market vendor at
residente ng Brgy. Magatos sa bayan.
Ayon sa report, habang tumitingin sa
paninda sa nasabing commercial building ang biktima kasama ang kanyang pamilya
at pagkaraan ng ilang sandali ay napansin na nitong nakabukas na ang dala
nitong sling bag.
Nang tingnan ng biktima ang kanyang
sling bag ay nawawala ang kanyang pitaka na naglalaman ng kanyang Voters ID,
cash cards at iba pang mga dokumento kasali ang P5,000 na halaga ng pera.
Ilang sandali umano ang nakakalipas
ng mapansin ng kanyang ama na meroon umanong isang babae na nagmamadaling
lumabas ng gusali at hinala nito ay iyon ang suspek na siyang tumangay ng
pitaka ng kanyang anak.
Sa ngayon ay patuloy pang iniimbestigahan
ng Kabacan PNP ang nasabing insidente.
Nagpapaalala naman ang Kabacan PNP sa
pangunguna ni PSI Ronnei Cordero sa publiko na kung maaari ay ilagay sa
harapang bahagi ang mga dalang bag na may lamang malalaking halaga ng pera
upang makaiwas sa mga kawatan lalo na’t balik skwela na at marami nang tao ang
gumagala sa mga lugar sa bayan kagaya ng USM Avenue. Mark Anthony Pispis
0 comments:
Mag-post ng isang Komento