(Amas,
Kidapawan City/ June 3, 2015) ---Matapos mailunsad sa tatlong distrito ng
Cotabato noong Feb. 20, 2015, umani na ngayon ng produktong gulay ang
programang Gulayang Pangkabuhayan ng Cotabato.
Mismong
si Gov Emmylou “Lala” J. Taliño-Mendoza ang sumaksi sa ani ng iba’t-ibang gulay
sa compound ng 602nd Brigade ng Phil. Army na nakabase sa Carmen (3rd
district), Cotabato nitong nakaraang May 28, 2015.
Kabilang
rito ang kalabasa, talong, upo, ampalaya at maging prutas na papaya at pakwan
na maaari ng lutuin ng mga planters o ibenta sa merkado at makatulong sa
kabuhayan.
Kasabay
ng ani sa Carmen ay ang harvest din ng mga gulay sa Southern Christian College
ng Midsayap (1st District) at Balindog Research and Experimental Center sa
Kidapawan City (2nd District) kung saan maraming gulay din ang pinakinabangan
ng mga planters.
Matatandaang
pinondohan ng Provincial Government of Cotabato ng tig-P1M ang bawat venue ng
Gulayang Pangkabuhayan ng Cotabato at hinikayat ang mga stakeholders na alagaan
ang mga gulay at pagyamanin ito.
Ayon
kay Gov. Taliño-Mendoza, dapat ibalik at buhayin muli ang backyard gardening sa
bawat komunidad upang mapalakas ang kampanya ng Provincial Government of
Cotabato para sa food sustainability at food security.
Sinabi
ng gobernadora na malaking tulong para sa bawat pamilya ang pagpapalago ng
gulay dahil maliban sa pagkain ay maaari pa itong maging income-generating
project.
Pinuri
naman niya ang mga partners ng Provincial Government of Cotabato sa suporta at
pakikipagtulungan sa proyekto at hinikayat ang mga ito na ituloy lamang ang
pagtatanim upang matiyak na mapakikinabangan ito ng mga mamamayan.
Hinimok
din ng gobernadora ang mga Local Government Units na maglungsad din ng
kahalintulad na programa para lalo pang maisulong ang agrikultura at ekonomiya
ng lalawigan. (JIMMY STA. CRUZ-PGO Media Center)
0 comments:
Mag-post ng isang Komento