(Kabacan, North Cotabato/ June 2, 2015) ---Pumasa sa isinagawang Provincial
Evaluation ng Functionality of Municipal Council for the Protection of Children
(MCPC) ang bayan ng Kabacan Mayo a-27, 2015 noong nakaraang linggo.
Ayon kay LGU Kabacan Administrative
Officer Cecilia Facurib sa panayam ng DXVL News, kasama sa mga dumaan sa
ebawasyon ng Provincial Evaluators mula sa Provincial Government of North
Cotabato ang mga areas ng Children’s Survival, Children’s
Participation,
Children’s Development at ang Children’s Protection mula sa ibat-ibang sangay
ng LGU Kabacan na nagpapatupad at nagsusulong ng mga proyekto at mga programang
para sa mga Kabataan.
Kasama sa kanilang tiningnan ang mga
dokumento sa nasabing mga usapin kung maayos ba itong naiisasadokumento.
Patunay umano ito na ang LGU Kabacan
sa pangunguna ni Kabacan Mayor Herlo P. Guzman Jr. ay matagumpay na
ipinapatupad ang mga programang naglalayong maproteksiyonan ang mga kabataan sa
bayan.
Sa ngayon ay hinihintay pa ang
resulta kung papalarin bang masungkit ng bayan ng Kabacan ang titulo sa bilang
Best Municipal Council sa Provincial level.
Nakahanda naman umano ang LGU Kabacan
kung sakaling sila ang pipiliing makipagtunggali sa buong Region 12. Mark Anthony Pispis
0 comments:
Mag-post ng isang Komento