 |
| Photo from FB: A. Francisco |
Christine
Limos
(Arakan, North Cotabato/ June 1, 2015) ---Sugatan ang isang driver
at helper nito matapos mahulog ang isang elf truck sa bangin sa Sitio
Malihongkong, Arakan North Cotabato noong Biyernes.
Ito ang inihayag ni PSI
Sunny Leoncito, hepe ng Arakan PNP sa panayam ng DXVL news.
Kinilala ng Arakan PNP ang driver na nagtamo ng sugat sa kamay na
si Jandee Bahaghari, residente ng South Cotabato at sugatan din ang helper nito
na nagtamo umano ng pilay sa isang paa.
Sa imbestigasyon ng Arakan PNP mula umano sa Koronadal, South
Cotabato ang naturang elf truck at magde-deliver ng semento sa Lower Lumbo,
Arakan nang mawalan ng preno pagsapit sa pababa na bahagi ng crossing Pedroso
na naging sanhi ng pagkahulog nito sa bangin na may lalim na 30 hanggang 40
metro.
Ayon kay PSI Leoncito bumaliktad ng tatlong beses ang elf truck na
naging dahilan ng pagkawasak at pagkasira ng karga nitong isandaang sako ng
semento.
Nagpa-alala naman si PSI Sunny Leoncito sa mga bumabyahe na mag
ingat sa pagmamaneho lalo na at papasok na ang panahon ng tag ulan.
0 comments:
Mag-post ng isang Komento