By:
JIMMY STA. CRUZ
AMAS, Kidapawan City (Aug.
17) – Isang buwan matapos simulan ang On-line voting sa fan page ng Mutya ng
North Cotabato 2014 –centennial queen Face Book account at ang kabubukas lamang
na Text Poll ng SMART Communications ay naging mainit na ang tugon ng mga
supporters at fans.
Katunayan, ilan sa mga
kandidata ay mahigpit na naglalaban para sa may pinakamaraming likes sa fan
page at pinakamaraming boto naman para sa text poll.
Ayon kay Ralph Ryan Rafael,
Focal Person ng Provincial Governor’s Office Media Affairs, layon ng on-line
voting at text poll na gawing mas malawak ang kompetisyon at makakuha ng
maraming suporta sa social media.
Nais din ng Provincial
Government of Cotabato na maging inter-active ang kompetisyon di lamang sa
actual na pageant kundi maging sa social media kung saan malaki ang magagawa
para sa ikatatagumpay ng search.
Kaya naman binuksan nito
ang fan page sa facebook at nakipag-partner ang Provincial Government of Cot.
sa SMART Communications.
Sa pinakahuling detalye sa
on-line voting for the Mutya ng North Cotabato People’s Choice Awards as of
12:00 noon, August 17, 2014, ang Top 5 ay kinabibilangan nina Mungan Mamparair
(7,062 likes), Charmaine Fajanela (4,878 likes), Mary Queen de Vera (2,396
likes ), Jazelee Joy Palang (1,984 likes) at Liezel Libria (1,801 likes).
Sa SMART Communications
text poll naman ang Top 5 ay kinabibilangan nina Charmaine R. Fajanela (2,857
votes), Ma. Jemie Keziah D. Arroyo (2,260 votes), Mary Queen P. de Vera (1,612
votes), Aleana Grace F. Corpuz (226 votes) at Reane Pia B. Poblador (220
votes).
Magtatagal hanggang sa
mismong Grand Pageant at Coronation Night ang botohan para sa People’s Choice
Award at Text Poll.
Tatanggap ng cash prizes
ang mananalo sa People’s Choice Awards at Text Poll.
Maliban pa ito sa mga major
awards na mapapanalunan ng mga kandidata.
Kaugnay nito, inaanyayahan
naman ni Gov. Emmylou “Lala” J. Taliño-Mendoza ang mga mamamayan na makiisa at
manood ng Grand Pageant and Coronation Night.
Hinimok din ng gobernadora
ang lahat na makisaya at suportahan ang lahat ng mga aktibidad ng Kalivungan
Festival at Centennial celebrations ng Cotabato. (JIMMY STA. CRUZ/PGO Media Center)
0 comments:
Mag-post ng isang Komento