By
Roderick Rivera Bautista
(Midsayap, North Cotabato/ August 20, 2014)
---Nagagalak ang konseho ng Barangay Poblacion 1 sa Midsayap, North Cotabato
dahil sa nasimulan na ang concreting ng kalsadang nagdurugtong sa kanilang
barangay at Barangay Sadaan patungo sa national highway.
Sa kanyang sulat ay sinabi ni Poblacion 1
Barangay Chairperson Grace Dearos- Singco
na lubos ang kanilang pasasalamat sa
inisyatibo ni North Cotabato First District Rep. Jesus Sacdalan upang
maisakatuparan ang proyekto.
Malaking tulong umano ang sementadong
kalsada hindi lamang sa kanilang mga mamamayan ngunit sa mga motoristang
dumadaan dito araw- araw. Hindi na umano magtitiis sa baku- baku at maalikabok
na daan ang mga motoristang gumagamit ng daang ito bilang alternate road.
Umaasa naman si Singco na marami pang mga
proyekto ang maipatutupad kabilang na dito ang pagsasaayos ng drainage canal sa
kanilang lugar.
Ang implementasyon ng Poblacion 1- Sadaan
Road ay ipinatutupad ng DPWH Cotabato 2nd Engineering District Office sa
pamumuno ni District Engr. Doroteo Ines, Jr.
0 comments:
Mag-post ng isang Komento