(Kabacan, North Cotabato/ August 21, 2014)
---Prayoridad ngayon ni Kabacan Mayor Herlo Guzman Jr. ang pag-sasa-ayos ng mga
lubak-lubak na daanan sa bayan ng Kabacan.
Ito ang sinabi ng opisyal sa DXVL News
kahapon matapos na mainterbyu kaugnay sa mga reklamo ng ating mga ka-unlad
hinggil sa mga di pa naayos na daanan at kalsada sa bayan ng Kabacan.
Una nang nagreklamo sa DXVL ang isang senior
citizen ng Plang Village matapos na mauntog dahil sa di maayos na daanan sa
Plang Village, maliban pa sa reklamo din sa Villanueva Subdivision at baha
kagabi sa Purok Masagana, Roxas St., at sa iba pang lugar sa Poblacion.
Ayon sa alkalde, hindi rin nakaligtas sa
tubig baha ang kanilang bahay at maging ang bahay ng kanyang ama na si
Councilor Herlo Guzman Sr., ay binaha din kagabi makaraang bumuhos ang malakas
na ulan kahapon ng hapon.
Aniya, matapos ang fiesta kungsaan abala ang
lahat ay kanya namang tutugunan itong mga rekalamo sa kalsada at ang inaayos na
comprehensive drainage system.
Umikot na rin ang punong ehekutibo sa mga lugar sa
Poblacion ng Kabacan na kanilang lalagyan ng graba, pero dahil sa masungit na
panahon ay di pa ito nagawa sa ngayon.
Samantala, binisita naman kahapon ni Mayor Guzman ang
kapamilya at kamag-anak ng namayapang si Kapitan Armando Peralta ng barangay
Pisan kasama si Cotabato Gov. Emmylou “Lala” Talino Mendoza. Rhoderick Beñez
0 comments:
Mag-post ng isang Komento