(Amas, Kidapawan City/ August 20, 2014) ---Patuloy
na nagpapagaling ngayon sa ospital ang drayber ng habal-habal makaraang
saksakin ng kanyang mga pasahero sa Barangay Sta Felomina, Makilala, Cotabato.
Sa ulat ng Makilala Municipal Police Office,
nagtamo ng matinding sugat sa tiyan ang drayber na si Leo Degrio Lagaras,
residente ng Barangay San Vicente, Makilala.
Nahuli ng mga pulis si Marlon Oto, 29,
residente ng Pikit, Cotabato habang nakatakas naman ang 16-anyos na diumano'y
kasintahan nito na siyang sumaksak kay Lagaras noong Linggo ng gabi.
Lumabas sa imbestigasyon na pinakyaw ng
dalawa ang habal-habal subalit hindi pa nakarating sa lugar ang mga ito
sinaksak ng mga suspek ang drayber.
Sinampahan na ng kasong frustrated homicide
at robbery si Oto na nakakulong sa lock up cell ng Makilala PNP. Habang, pinaghahanap
pa ang menor de edad na nobya ng biktima.
Samantala sa Arakan, Cotabato naman, dalawa
katao ang sugatan makaraang saksakin ang mga ito sa bahagi ng Poblacion ng
nasabing lugar alas 10:30 ng gabi nitong linggo.
Sa report ni PSI Rolly Oranza, hepe ng
Arakan PNP kinilala ang mga biktima na sina Jay Casis, 20-anyos at Silvestre
Taday Jr., kapwa residente ng Poblacion, Arakan.
Batay sa ulat, pauwi na ang dalawa papunta
ng sitio Sabang ng pagsasaksakin ng suspek na kinilalang si Jobert Bernabe, Out
of School Youth at residente ng Ma. Caridad.
Agad namang isinugod ang dalawa sa bahay
pagamutan para malapatan ng medikal na atensiyon.
Sa ngayon, inaalam pa ng mga otoridad ang
motibo sa nasabing insidente. Rhoderick Beñez
0 comments:
Mag-post ng isang Komento