(Cotabato City/ August 20, 2014)
---Binulabog ng malakas na pagsabog ng Improvised Explosive Device o IED na
gawa sa 60 millimeter mortar sa panulukan Makakua Street at Almonte Extension Cotabato
city kagabi.
Sa ulat ni City PNP Dir. Police Sr. Supt.
Rolen Balquin na tatlo katao ang sugatan sa naturang pagsabog.
Isa sa mga sugatan ay ang sundalo ng 5th
Infantry Special Forces Battalion na si Private Jun Bambao habang ang dalawa pa
sa mga nasugatan ay pawang mga sidewalk vendor.
Nabatid na hindi naman grabe ang tinamong
sugat ng mga tinamaan ng shrapnel mula sa naturang bomba.
Nangyari ang pagsabog pasado alas otso
kagabi habang nagpapatrolya ang mga pulis at sundalo sa lugar.
Ayon kay Balquin, ang naturang pampasabog ay
itinanim sa isang nakaparadang brown Wrangler Jeep na may licensed plate MFC
443 at pagmamay-ari ng isang Ismael Abdullah, dating guro ng Mindanao State
University at konektado ngayon sa Sajehatra Peace Force.
Samantala, tiniyak naman ni Balquin na wala
namang dapat ika-alarma ang mga mamamayan ng lungsod gayun paman di pa rin
isinasantabi ng mga otoridad na kagagawan ito ng tiruresmo sa lugar.
Una na ring nakakatanggap ng banta ang PNP
ng serye ng pambobomba sa lungsod bago nangyari ang insidente.
Kasalukuyan pang inaalam ng mga otoridad ang
tunay na motibo sa naturang pagpapasabog. Rhoderick
Beñez
0 comments:
Mag-post ng isang Komento