(Kabacan, North Cotabato/ April 24, 2014)
---Pinabulaanan ng pamunuan ng North Cotabato
Highway Patrol Group ang mga ulat ng umano’y pagtanggap ng lagay ng ilan sa mga
highway patrol personnel.
Sinabi ni North Cotabato Highway Patrol
Group Head Inspector Gerry Galan na hindi sila tumatanggap ng anumang padulas
at katunayan kung may mga nilalabag na batas trapiko ang mga motorist agad
nilang pina-iimpound ang nasabing mga sasakyan.
Kaugnay nito, dalawang motorisklo at isang
Toyota Hilux na ang nakumpiska nila sa kanilang pagpapatrol sa national highway
ng probinsya.
Ang mga nasabing sasakyan ay nakaimpound na
ngayon dahil sa kabiguan ng mga may-ari na makapagpakita ng kaukulang
dokumento.
Aniya, sa kabila ng maliit na bilang ng
kanilang mga personnel ay sinisikap nilang malibot ang buong coverage area ng
North Cotabato. Rhoderick Beñez
0 comments:
Mag-post ng isang Komento