(Kabacan, North Cotabato/ April 21, 2014)
---Patay ang mag-ama sa nangyaring pamamaril sa Sitio Cueva, Barangay Pisan,
Kabacan, Cotabato alas 11:30 ng gabi nitong Miyerkules.
Kinilala ni Supt. Jordine Maribojo, hepe ng
Kabacan PNP ang mga biktima na sina Randy Tero, 27, may asawa, magsasaka habang
patay din ang kanyang anak na si Jefrel Tero, 2-taong gulang na bata kapwa
residente ng nasabing lugar.
Ayon sa report, mahimbing na natutulog ang
pamilya Tero noong gabi ng Miyerkules ng magising ang Misis ng biktima na
nakilalang si Judith dahil sa may napapansin itong mga yapak ng paa sa labas ng
kanilang bahay.
Nang sumilip si Judith, nakita nitong may
nagliliyab na apoy sa kanilang bakuran kaya lumalabas ito.
Mabilis namang tumakbo ang mga suspek
papunta sa likurang bahagi ng kanilang bahay at nagpaputok.
Nang marinig ang putok, dali-daling pumasok
ng bahay nila ang misis at doon na tumambad sa kanya ang duguang mag-ama nito
na wala ng buhay matapos na tamaan ng bala ng baril.
Agad namang naaresto ang mga suspek sa
isinagawang pagresponde ng mga kapulisan sa lugar matapos na positibong ituro
ito ni Judith.
Ang mga suspek ay kinilalang sina Tony Etom
at Julito Lugisan kapwa residente ng nasabing lugar at ngayon ay nasa Kabacan
Lock up cell.
Inaalam pa ngayon ang motibo sa nasabing
pamamaril habang inihahanda na ang kasong isasampa laban sa mga suspek. Rhoderick Beñez
0 comments:
Mag-post ng isang Komento