(Matalam, North Cotabato/ April 21, 2014)
---Hindi na umabot ng mahal na araw ang isang 23-anyos na magsasaka makaraang
barilin at agawan ng motorsiklo sa may National Highway, partikular sa harap ng
Matalam Central Elementary School, Matalam, Cotabato alas 2:30 ng madaling araw
nitong Huwebes Santo.
Kinilala ni PCI Elias Diosma Colonia, hepe
ng Matalam PNP ang napaslang na si Jayson Pascua, 23 at residente ng barangay
Osias, Kabacan, Cotabato.
Batay sa report, ipinarada nina Pascua at Ermelyn
Pretty Joy Rivera De Vera, 20, College Student at residente ng Katidtuan,
Kabacan ang kanilang motorsiklo ng biglang nilapitan ito ng dalawang di pa
nakilalang mga salarin.
Nagtanong pa ang dalawang mga suspek sa mga
biktima kung sila ay mga Kristiyano o Muslim.
Nang sumagot si Pascua na sila ay
Kristiyano, agad itong binaril ng isa sa mga suspek kungsaan tinamaan si Pascua
sa kanang dibdib nito.
Ayon kay SPO1 Froilan Gravidez ng Matalam
PNP agad namang tinangay ng suspek ang motorsiklo nitong kulay itim at puting
XRM 125 habang ang isa pang salarin ay tinangay din ang XRM 125 na may license
plate 8355LH ni De Vera.
Bukod dito, kinulimbat din ng mga suspek ang
Cherry Mobile na Cellphone ng biktima.
Matapos maisakatuparan ang masamang balakin,
agad namang tumakas ang mga suspek papunta sa dito sa bahagi ng Kabacana.
Mabilis namang isinugod si Jayson Pascua sa
Babol General Hospital pero di na ito umabot pa ng buhay.
Sa ngayon, patuloy ang pagtugis ng mga
pulisya sa nasabing mga suspek upang mapanagot sa batas. Rhoderick Beñez
0 comments:
Mag-post ng isang Komento