(Kabacan, North Cotabato/ June 22,
2015) ---Kasalukuyang naghihimas ng malamig na bakal ang isang Kabacan Traffic Management
Unit o TMU personnel matapos aksidenteng tamaan ng bala ng baril nito ang isang
babae noong Biyernes alas 2:45 ng hapon.
Sa panayam ng DXVL news kay PSI
Ronnie Cordero, hepe ng Kabacan PNP, kinilala nito ang TMU personnel na si
Elmer Bawas Gapayao, 35 anyos, at binata.
Kinilala naman ang biktimang binawian
ng buhay na si Jocel L. Batucan 25 anyos, may asawa, empleyado ng Aljons Minute
Burgers at residente ng Brgy. Lower Paatan, Kabacan, Cotabato.
Sinabi ni PSI Cordero nagsasagawa ng Municipal Ordinance ang mga TMU personnel nang makahuli ng mga motorista na may
open pipe na tambotso ang mga motorsiklo.
Nang hingan ng TMU personnel ng
kaukulang dokumento, bigong maka-presinta ang mga ito bagay namang dinala sa
himpilan ng pulisya ang kanilang mga sasakyan.
Pagkatapos ng operation ng TMU ay bumalik
umano ang pitong mga kalalakihan at binugbog at pinukpok ng bakal sa ulo si
Gapayao.
Tumama umano sa semento ang bala ng
baril at aksidenteng tumama sa empleyado ng Aljons Minute Burger.
Naisugod pa sa Kabacan Medical
Specialist ang biktima ngunit ideneklarang dead on arrival ng mga doktor.
Nahuli naman ng kapulisan ang isang
suspek na nambugbog at kinilalang si Sukarno Balah Kadatuan, 43 anyos, may
asawa, magsasaka at residente ng
Brgy. Limbalod sa bayan ng Carmen.
Nakuha sa pinangyarihan ng krimen ang
isang bala ng caliber 9 mm pistol at nakumpiska naman ang baril na may model
no. 2139X19mm at may serial no.817611 na may magasin at naglalaman ng 6 na bala
ng caliber 9mm.
Samantala, inihayag din ni PSI
Cordero na hindi otorisadong magdala ng baril ang mga TMU personnel.
Kaugnay nito, muling nagpa alala ang
Kabacan PNP sa mga mamamayan at mga motorista na bumabyahe na magdala ng
kumpletong dokumento upang di maabala.
Ito ang sinabi ni PSI Ronnie Cordero,
hepe ng Kabacan PNP sa panayam ng DXVL news.
Nagpa alala din ang opisyal sa mga
motorista na sumunod sa batas trapiko upang maiwasan ng maulit ang insidente ng
aksidenteng pagkamatay ng empleyado ng Aljons Minute Burger. Christine Limos
0 comments:
Mag-post ng isang Komento