(Maguindanao/ June 23, 2015)
---Kamatayan ang sumalubong sa dalawang kasapi ng Hukbong Sandatahang Lakas ng Pilipinas
makaraang pagbabarilin sa may bisinidad ng Shariff Aguak, Maguindanao alas 3:45
kahapon ng hapon.
Sa panayam ng DXVL News Radyo ng
Bayan ngayong umaga kay Philippine Army 6th Infantry Division Public Affairs
Officer Captain Joan Petinglay na galing sa pamilihang bayan ng lugar ang mga
biktimang sina Private Milvert Nebrida at Private Edmund Antipuesto na kasapi
ng 34th Infantry Battalion na buhat sa Visayas Region ng pagbabarilin ng mga
suspek.
Lulan ang dalawa ng motorsiklo ng
pagbabarilin ng mga kasapi ng Bangsamoro Islamic Freedom Fighter o BIFF, ayon
sa opisyal.
Ang dalawa ay kasapi ng
rehabilitation mission ng 34th IB para sa pagsasa-ayon ng mga nasirang
gusali ng paaralan sa Datu Unsay, Maguindanao.
Tinangay pa umano ng mga suspek ang
motorsiklo ng mga biktima.
Naisugod pa sa bahay pagamutan ang
suspek pero ideneklara na silang dead on arrival.
Pahayag ni Petinglay, na malinaw na
walang pinipili ang BIFF sa paghahasik nila ng terorismo dahil pati ang mga
sundalong hindi naman sangkot sa combat operation sa halip ay humanitarian
mission ay pinupuntirya rin ng mga ito.
Sa kabila ng mga isinagawa nilang
all-out offensive sa mga kaspi ng BIFF ay aktibo pa rin ang mga ito sa ibang lugar
ng Maguindanao, ayon sa opisyal. Rhoderick
Beñez
0 comments:
Mag-post ng isang Komento