(Kabacan, North Cotabato/ June 23,
2015) ---Wala nang nagawa ang isang lolo kundi dumulog na lamang sa Kabacan PNP
matapos na pinasok ng mga di pa kilalang mga kawatan ang kanilang pamamahay sa
Purok 1, Brgy. Osias, Kabacan, Cotabato alas 11:00 ng umaga kamakalawa.
Kinilala ng Kabacan PNP ang biktima
na isang Florencio Corpuz Y Quirino, 61 anyos, may asawa, isang magsasaka, at
resident eng nasabing lugar.
Ayon sa report, natuklasan nalang
umano ng biktima na napasok na mga kawatan ang kanilang masters bedroom pag-uwi
nila mula sa pagsisimba.
Sinira umano ng mga kawatan ang
porsyon na bintana sa nasabing silid.
Natangay umano ng mga suspek ang
P5,000 halaga ng pera.
Nagpapaalala naman ang Kabacan PNP sa
pangunguna ni PSI Ronnie Cordero na huwag magkompiyansa at siguradohing
nakakandado ng mabuti ang kanilang mga kabahayan kung ito ay kanilang iiwan
lalong lalo na kapag araw ng linggo na panahon ng pagsisimba.
Samantala, maliban sa Kabacan muli
ring umatake ang mga magnanakaw sa Kidapawan City.
Ito matapos humingi ng saklolo ang
isang Media practitioner sa Kidapawan City PNP matapos pasukin ng mga
magnanakaw ang kanyang bahay sa Lower Manongol, Kidapawan madaling araw noong
sabado.
Sa salaysay ng biktima na si Carlo
Agamon sa mga pulis natangay ng mga magnanakaw ang kanyang isang unit ng laptop
na nagkakahalaga ng halos 35 thousand pesos, dalawang cellphone na nasa pitong
libong piso, relo na nagkakahalaga ng 18 thousand pesos at sampung libong cash
money.
Patuloy na ngayong inaalam ng mga
otoridad kung sino o anong grupo ang responsable sa sunod sunod na pangloloob
ng bahay ng mga magnanakaw sa Kidapawan City. Mark Anthony Pispis
0 comments:
Mag-post ng isang Komento