Pagkasunog ng isang fast-food chain sa bayan ng Kabacan, binigyang paglilinaw ng may-ari

Ronnie Jornadal & Marla Sheryl,
Owner Opong's Lechon and Pritong Manok

(Kabacan, North Cotabato/ June 23, 2015) ---Binigyang linaw ng may-ari ng Opong’s Pritong Manok ang dahilan ng pagkasunog na naturang establisyemento noong nakaraang linggo.

Ayon kay sa Ronnie Jornadal, may-ari sa eksklusibong panayam ng DXVL News team, inihayag nitong hindi niya inutusan ang isa sa kanyang empleyado na gawin ang iba pang gawain habang nagpapakulo ng mantika.

Taliwas ito sa naunang report na inutusan niya umano ang kanyang empleyado na gawin ang mag map ng sahig at tumulong sa pagslice habang pinapakuluan ang mantikang kanilang gagamitin sa pagprito ng kanilang tinitindang manok.

Jonathan Selarta

Anya, kusa umanong ang kaniyang empleyado ang gumagawa ng trabahong hindi inaatas sa kanya na sa katunayan ay ang pagpapakulo lang naman umano ng mantika ang kanyang inaatas na trabaho rito.

Sa hiwalay naman ng panayam sa nasabing nakasunog na si Jonathan Selarta hindi umano siya inutusan ng kanyang amo na maglinis ng sahig o mag-map at tumulong sa pag-slice ngmga manok.

Bagkus, kagustuhan niya umano ito upang ipakita ang kanyang amo ang kanyang pagbabago sa kanyang pag-tatrabaho dahil na rin sa kanyang mga pagkakamali na nagawa bago paman ang insidente.

Ayon kay Marla Sheryl Jornadal, may bahay ng May-ari, pinag-iisipan pa nila kung sasampahan nila ng kaso ang nasabing empleyado sapagkat malakilaki rin umano ang nawalang halaga sa kanila at nagdulot din ito ng trauma sa kanilang anak.

Laking pasasalamat naman ng pamilya at walang nasaktan o nasugatan sa nasabing insidente. Mark Anthony Pispis