(Kidapawan City/ June 25, 2015) ---Brutal na
kamatayan ang sinapit ng isang laborer sa kamay ng lasing na suspek makaraang
hambalusin nito ng kahoy ang biktima hanggang sa mapatay sa loob mismo ng
kanyang bahay sa Sitio Maangi, Brgy. Birada Kidapawan City pasado alas 9:00
kagabi.
Kinilala ni Supt. Franklin Anito, city PNP
Director ang biktima na si Noli Sapiano Bitoon, 40 anyos na residente
rin ng nabanggit na lugar.
Ayon kay Carmen Bitoon, asawa ng biktima,
pinasok ng isang Danny Pinantao ang bahay nila bitbit na 2x3 na kahoy na may
pako at pinaghahampas si Noli sa ulo.
Nabatid na nasa impluwensya ng alak ang
suspek ng mangyari ang insidente.
Hindi pa ngayon lubos maunawaan ni Carmen
kung ano ang motibo ng suspek sa pagpaslang sa kanyang asawa dahil wala naman
itong matandaang naging awayan at hindi pagkakaunawaan ng dalawa at magkaibigan
pa umano ang mga ito.
Sa ngayon tinutugis na ng mga otoridad si
Pinantao na tinuturong suspek sa pagpaslang kay Bitoon. Rhoderick Beñez
0 comments:
Mag-post ng isang Komento