(Kabacan, North Cotabato/ June 24,
2015) ---Nagpapasalamat ngayon sa mga trysikel driver sa Bayan ng Kabacan ang
isang station manager ng isang estasyon ng radio sa Tacurong City matapos
maisauli ang kanyang naiwang cellphone na iphone 4S unit.
Sa panayam ng DXVL news kay Benjie
Caballero, Media Practitioner sa Tacurong City inihayag nito ang taos pusong pasasalamat
lalo na kay Abdullah Ibad ang trysikel driver na nagsauli ng kanyang gamit.
Aniya, 3 oras umano siyang naghanap
ng kanyang cellphone mabuti na lamang umano ay nakuha niya ang contact number
ng naturang driver.
Nagpasalamat din si Caballero sa
lokal na pamahalaang ng Kabacan sa pamumuno ni Kabacan Mayor Herlo Guzman Jr. at
nanawagan na sana’y bigyan ng parangal ang mga matapat na trysikel driver na
tulad ni Ibad.
Inihayag din ni Caballero na ang
naturang driver ay nagrerenta lamang ng trysikel 120 pesos bawat araw, isang
single parent, may anak na maliit at naghihikaos sa pamumuhay.
Dagdag pa niya na sana’y tularan ang
mga tapat na mamamayan ng Kabacan. Christine
Limos
0 comments:
Mag-post ng isang Komento