(Kabacan, North Cotabato/ May 2, 2014) ---Nababahala
na ngayon ang pamunuan ng Municipal Environment and Natural Resources Office ng
Kabacan matapos na umabot sa 12 hanggang 15 tonelada ng basura ang nakukulekta
ng MENRO sa isang araw.
Ito ang ibinunyag ni MENRO Officer Jerry
Laoagan sa panayam sa kanya ng DXVL News.
Aniya, ang nasabing bilang ay mga
non-biodegradable o mga hindi nabubulok lamang na nahahakot ng compactors.
Kung hindi tutulong ang komunidad, posibleng
sa lalong madaling panahon ay mapupuno na ang dumpsite ng Malanduage, ayon kay
Loaogan.
Samantala, sinabi naman ni MENRO
officer Laoagan na abot sa pitumpung
porsiento ang naidudulot na basura na itinatapon ng ilang mga estudante ng USM,
batay sa kanilang obserbasyon.
Dagdag pa nito na walang problema sa
pagtatapon ng basura ang mga residente ng nasabing lugar, alam na daw kasi ng
mga ito ang patakaran sa pagtatapon ng kanilang mga basura.
Karamihan daw kasi sa mga estudyanteng
dumaraan dito ay nagtatapon ng kanilang mga basura sa kanal o sa daanan lamang.
Regine Barba Lanuza DXVL news.
0 comments:
Mag-post ng isang Komento