(Kidapawan city/ April 28, 2014) ---Pinapatalsik
na ngayon sa kanyang pwesto ang ‘missing’ na disbursing officer ng Kidapawan
City Government matapos na maharap sa iba’t-ibang kasong administratibo na
kinakaharap nito sa Ombudsman.
Ayon kay Human Resource Management Officer
Magda Bernabe patuloy nilang pinaghahanap ang dating disbursing Officer na si
Darwin Loyola na nagtago noon pang Hunyo 2012.
Sa ngayon blanko pa ang mga otoridad sa
kinaroroonan ni Loyola.
May mga lumalabas na ulat na siya ay
nagtatago ngayon sa Zamboanga.
Si Loyola ay nawawala makaraang kinulimbat
nito ang abot sa P6 na milyong sahod ng higit sa dalawang libung Job Orders at
mga honoraria ng daan-daang mga barangay tanods.
Batay sa ulat ng Commission on Audit (CoA)
na tuklasan na si Loyola ay hindi nakapag- liquidate ng P75 million cash
advances bagay na malaking dahilan para ipatanggal sa pwesto si Loyola.
Bukod dito, nahaharap din ang kawani sa
kasong graft at corruption na isang criminal case, ayon sa report. Rhoderick Beñez
0 comments:
Mag-post ng isang Komento