Written By: Rod Rivera Bautista
(Midsayap, North Cotabato/ April 25, 2014)
---Abala ngayon ang tanggapan ng Unang Distrito ng North Cotabato sa kanilang
ginagawang cross- matching ng mga pangalan ng PhilHealth beneficiaries sa buong
Distrito Uno.
Layunin umano nilang matukoy ang mga
pangalan ng mga kasali sa Universal Philhealth Coverage at iyong mga hindi pa
na-irerenew sa kasalukuyan.
Sinabi ni First Congressional District
Office Focal Person for Health Services Dominador Aspacio na ang gamit nilang
batayan ng cross- matching ay ang resulta ng National Household Targeting
System for Poverty Reduction o NHTS- PR.
Puspusan naman ang ugnayan ng kanilang
ahensya sa PhilHealth Regional Office XII sa Koronadal City upang mailatag na
ang final listing ng mga makikinabang sa PhilHealth Insurance program ng
gobyerno.
Hinikayata din ni Aspacio ang mga nagsumite
ng listahan sa kanilang tanggapan na bigyan sila ng sapat na oras upang
maisagawa ang buong proseso ng cross matching.
Tiwala itong mailalabas ang listahan sa
lalong medaling panahon. DXVL News
Correspondent
0 comments:
Mag-post ng isang Komento