(Kidapawan City/ April 29, 2014) ---Binawian
ng buhay ang isang lalaki makaraang tadtarin ng bala ng di pa kilalang mga
suspek sa Kidapawan City alas 2:00 ng madaling araw kamakalawa.
Kinilala ng Kidapawan City PNP ang biktima
na si Alias Kolot Cabiles residente rin ng lungsod.
Ayon sa report, sumiklab ang krimen sa
bahagi ng Quezon Boulevard ng nasabing siyudad habang naglalakad ang biktima
matapos na pagbabarilin ito ng dalawang lalaki lulan ng isang motorsiklo gamit
ang kalibre .45 na pistol.
Nagtamo ng siyam na tama ng bala ang biktima
sa ibat ibang bahagi ng kanyang katawan dahilan naman ng kanyang agarang
kamatayan.
Matapos ang insedente ay agad namang tumakas
ang mga suspek at ngayon ay patuloy ng pinaghahanap ng mga otoridad habang
patuloy naman ang imbestigasyon sa nasabing krimen. Rhoderick Beñez
0 comments:
Mag-post ng isang Komento