(Tacurong City, Sultan Kudarat/ May 1, 2014) ---Arestado
ang dalawang kasapi ng kilabot na notoryos Al Khobar group sa magkahiwalay na
lugar sa lalawigan ng Sultan Kudarat.
Muling na tiklo ng pinagsanib na puwersa ng Task Force
Talakudong, Philippine Army's 7th Infantry Battalion, Criminal Investigation
and Detection Group o CIDG-ARMM at CIDG-12 ang notoryus na si Datukan Samad
alyas Lastikman pasado alas kwatro ng hapon kahapon sa isang Resto Bar sa
Tacurong city.
Agad dinala si Lastikman sa CIDG-12 Headquarters sa
Isulan, Sultan Kudarat para sumailalim sa imbestigasyon.
Una nang nakatakas si Lastikman mula sa Amas Provincial
Jail matapos itong atakihin ng kanyang mga kasamahan dalawang taon na ang
nakakalipas.
Si Lastikman ay huling namonitor na nag-ooperate sa
Pikit, North Cotabato kung saan ay naengkwentro pa ng militar ang kanyang mga
kasamahan.
Sangkot ang suspek sa iba’t-ibang kriminalidad sa
Central Mindanao kagaya ng robbery hold-up, pangingidnap, cattle rustling,
carnapping at iba pa.
Samantala, tiklo naman ang isa pang kasapi ng miyembro
ng teroristang grupo na Al Khobar makaraang mahuli sa Buluan, Maguindanao
nitong Abril a-29.
Kinilala ang naturang miyembro ng Al Khobar kay Tahir
Abubakar.
Naaresto si Abubakar sa pamamagitan ng joint efforts na
isinagawa ng SMPKI-OCPNP, Regional Intelligence Unit (RIU) 12, Military
Intelligence Company (MICO) 12, 33RD Infantry Battalion (IB), Philippine Army
(PA), at Maguindanao Police Provincial Office (PPO) kasama ng Presidential
Anti-Organized Crime Commission (PAOCC).
Napag-alaman na ang suspek ay may warrant of arrest
dahil sa kasong murder.
Sa ulat ng Police Regional Office 12, si Abubakar ay may
patong sa ulo na P400,000 kaugnay sa pagkakasangkot nito sa serye ng pamomomba
sa ilang lugar sa Mindanao.
Ayon kay Police Senior Superintendent Rex Dela Rosa,
isinailalim pa sa masusing inbestigasyon ang nahuling suspek.
Kaugnay nito, naghigpit na ngayon ng seguridad ang mga
otoridad sa Sultan Kudarat dahil sa posibleng paghigante ng mga kasamahan ni
Abubakar.
Napag-alaman na ang teroristang grupo ng Al Khobar ay
itinuturong suspek sa ilang insedente ng pamomomba at diumano'y pangingikil sa
ilang kompanya ng bus sa Mindanao. Rhoderick
Beñez
0 comments:
Mag-post ng isang Komento