(Kabacan, North Cotabato/ April 29, 2014)
---Brutal na kamatayan ang sinapit ng isang bagong laya na preso makaraang
barilin ng walong beses ng di kilalang suspek sa crossing ng Doña Aurora st. at
Maria Clara st., Poblacion, Kabacan, Cotabato alas 6:00 kagabi.
Kinilala ni Supt. Jordine Maribojo, hepe ng
Kabacan PNP ang biktima na si Turo Bildik, 26-anyos at residente ng Purok Krislam
ng bayang ito.
Batay sa inisyal na pagsisiyasat, sinundan
ng suspek ang biktima at walang abu-abung pinagbabaril gamit ang kalibre .45 na
pistol.
Ang suspek ay lulan ng isang kulay itim na
Honda XRM na walang plaka.
Matapos na matiyak na bulagta na ang biktima
agad na tumakas ang suspek sa di malamang direksiyon.
Nabatid na ang biktima ay bagong laya galing
sa provincial jail Kidapawan City na may kaso sa iligal na droga.
Isa ang illegal drugs sa mga anggulong
sinusundan ngayon ng Kabacan PNP sa nasabing pamamaslang.
Samantala, patay naman Ang isang lalaki
matapos mabundol ng karo ng patay pasado alas 8:00 ng gabi kamakalawa sa
Pigcawayan, North Cotabato.
Kinilala ang biktima na si Regan Saliling,
24 anyos, residente ng Carmen, North Cotabato.
Batay sa imbestigasyon ng Pigcawayan PNP,
nagbibisikleta si Saliling sa national highway nang biglang mahagip ng
humaharurot na karo ng patay na pag-aari ng St. Peter.
Dead on arrival sa pagamutan si Saliling
habang nakatakda namang sampahan ng kasong reckless imprudence resulting to homicide
ang driver ng karo. Rhoderick Beñez with
report from USM Devcom Intern Zhaira Sinolinding
0 comments:
Mag-post ng isang Komento