Written by: Sarah Jane Guerrero
(Kabacan, North Cotabato/ April 30, 2014)
---Kasali sa anim na mga kweba sa Socsargen Region ang dalawa sa limang kweba
ng barangay Pisan, Kabacan, Cotabato na nacategorized bilang Class II at Class
III, ito ay ayon sa DENR Memorandum Circular bilang 2014-13 na inaprubahan at
ipinalabas noong April 8, 2014.
Ang Cathedral at Avenue Caves ay nacategorized
bilang Class II o yung may mga parte ng kweba na may mga hazardous na kondisyon
at ito ay para lamang sa mga experienced cavers at kasali dito ang mga guided
educational visits. Samantalang, ang Lope Cave naman ay na categorized bilang
class III o bukas para sa mga mga inexperienced cavers.
Ang Cave Classification ay isang
rekomendasyon mula sa National Cave Committee na base naman sa mga probisyon na
nakasaad sa Republic Act bilang 9072 o ang National Caves at Cave Resources
Management and Protection Act. Matatandaan na nagsagawa ng cave classification
ang DENR 12, Regional Caving Committee noong July 8-10, 2011 sa Barangay Pisan,
Kabacan, Cotabato.
Base pa rin sa Memorandum bilang 2014-03,
nakasaad dito na kinakailangang maghanda at gumawa ang Lokal na pamahalaan ng
Kabacan ng cave management plan para sa bawat isang na categorize na kweba at
bigyang diin dito na sa lahat ng mga activities na may layuning gaya ng
ecotourism, scientific, educational at economic ay kinakailangang may patnubay
ng isang DENR Personnel.
Noong January 27, 2012 inaprobahan ng
Sangguniang Bayan ng Kabacan at ngayon ay isa ng batas ang Municipal Ordinance
bilang 2012-01 o mas kilala bilang the Cave Ordinance of Kabacan.
Ang
ordinansang ito ay ang pagregulate ng mga pumapasok na tao sa Kabacan Caves at
ang pagbibigay ng kaukulang fees at penalties.
Nakasaad sa ordinansang ito ang
mga di dapat gawin habang nasa loob at labas ng Kabacan Caves gaya ng panghuhuli
ng paniki at iba pang ibon, vandalism, pagaalis ng ibat-ibang rock formations,
logging at kaingin, treasure hunting, paggamit ng sabon at shampoo habang
naliligo sa loob ng caves, paninigarilyo, pagluluto at pagkain sa loob ng kweba
at iba pa.
Kaugnay pa rito, kinakailangang makipagugnayan muna sa Lokal
napamahalaan ng Kabacan ang sino mang magnanais na pumasok sa mga nasabing
kweba ito ay para narin sa kanilang seguridad at proteksyon.
Ang Barangay Pisan, Bangilan at Nangaan ay
kilala hindi lamang sa North Cotabato kundi sa buong bansa dahil sa mga natural
na formations ng caves nito.
Samantala, pinaghahandaan naman ng Lokal na
pamahalaan ng Kabacan at ng Barangay LGUs ang nalalapit na pagsagawa ng The 2nd
Spelunking Challenge 2014. DXVL News
0 comments:
Mag-post ng isang Komento