(Midsayap, North Cotabato/ August 13, 2013) ---Muli na namang
ginulantang ng malakas ng pagsabog angbayan ng Midsayap, North Cotabato ala
1:00 ng hapon kamakalawa.
Sa report ng Midsayap PNP isang Improvised Explosive Device o IED
na gawa sa 60mm mortar cartridge ang pinasabog sa Sitio Bintad, Barangay Baliki
ng nasabing bayan.
Wala namang tinamaan sa nasabing pagsabog dahil wala namang bahay sa paligid ng blast site.
Inaalam na ngayon ng mga otoridad kung sino ang responsible sa nasabing pagpapasabog.
Maliban
dito, Isang ring malakas na
uri ng improvised explosive device (IED) ang natagpuan ng militar at pulisya sa
lungsod ng Cotabato dakong alas-10:25 kamakalawa.
Sa
report ni Cotabato City police director S/Supt Rolen Balquen, tumanggap sila ng
text mula sa mga sibilyan na may natagpuan na bomba sa Dumpsite, Malagapas,
Barangay Rosary Heights 10 sa Cotabato City.
Agad
kinuha ng EOD Team ang IED na nilagay sa sako na gawa sa dalawang bala ng 60mm
mortar.
Mahigpit
ang seguridad na ipinapatupad ng mga otoridad sa lugar bagay na itinapon na
lamang umano ng mga suspek ang nasabing pampasabog. (Rhoderick Beñez)
0 comments:
Mag-post ng isang Komento