(Kabacan,
North Cotabato/ August 16, 2013) --- Kabilang ang 61 at 49-anyos na magpares
ang ikinasal kahapon sa Kasalan ng Bayan ng Kabacan bilang bahagi ng aktibidad
ng 66th Founding Anniversary ng Kabacan, North Cotabato.
Sina
Salvador O. Barnizo at Evangeline P. Estilloso na tubong Barangay Tamped ay isa
sa 107 na pares na nakakuha ng kanilang marriage contract.
Ang barangay Tamped
ang may pinakamaraming magnobyo ang tumugon sa Kasalan kaya naman minabuti ng
Municipal Pre-Marriage Counseling Team na umakyat at doon ginanap ang
Pre-Marriage Counselling para sa Apat-napong pares.
Ang kasalan
ng bayan 2013 ay isang paraan ng Lokal Government Unit ng Kabacan, sa pamumuno
ni Hon. Herlo P. Guzman upang mabigyan ng importansya ang kahalagahan ng kasal.
Isa rin itong paraan ng LGU Kabacan na mapangalagaan ang karapatan ng magnobyo
na matagal ng nagsasama na mabigyan ng legal na basehan ang kanilang relasyon.
Ito ay ayon na rin sa Family Code of the Philippines at PD 1083.
Ayon pa sa
alkalde, isa sa mga dahilan kung bakit umabot ng matagal na panahon ang
pagsasama ay dahil sa kakulangan sa pera na panggastos sa pagkuha pa lamang ng
mga kaukulang papeles.
Kaya naman, siniguro ng LGU na sasagutin lahat ang
gastusin sa nasabing kasalan.
Isa itong malawakang inisiatibo na ginagawa
ngayon ng LGU Kabacan upang matugunan ang sosyal at ekonomikal na
pangangailangan ng mga tao sa bayan ng Kabacan.
Ang 107 na
pares ay nakatanggap na cake, lunch packs, mga regalo at ang kanilang marriage
contracts. (Rhoderick Beñez with reports from Sarah Jane Guerrero)
0 comments:
Mag-post ng isang Komento