(Midsayap,
North Cotabato/ August 14, 2013) ---Isinusulong ngayon sa kamara de
representante ang panukalang batas na bubuo sa Philippine Palm Oil Research and
Development Center o PPRDC.
Inakda
ito ni North Cotabato 1st District Rep. Jesus N. Sacdalan.
Sinabi
ng opisyal na mahalagang may ahensya ng pamahalaan na tututok sa pasusulong ng
oil palm industry sa Pilipinas.
Aniya,
tungkulin umano ng itatag na ahensya ang pagsasagawa ng mga pagsisiyasat at
pagapaptupad ng mga programa at proyekto upang mas lalo pang mapaunlad ang oil
palm- based farming sa bansa.
Nabatid
na ito ang unang panukalang batas na isinumite ng kongresista sa pagsisimula ng
16th congress.
Kasalukuyan
itong tinatalakay sa House Committee on Agriculture and Food kung saan
itinuturing ito ng komite bilang isang mahalagang batas para sa pambansang
kaunlaran.
Samantala,
kung maaprubahan at magiging tuluyang batas ay itatayo ang nasabing palm oil
research and development center sa University of Southern Mindanao sa bayan ng
Kabacan, North Cotabato.
Dito
sa Pilipinas, ang palm oil ay itinuturing na alternatibong suplay ng langis pangalawa
sa coconut oil.
Sa
kasalukuyan ay malawakan na ang pagtatanim nito sa mga lalawigan ng Bohol,
Palawan, Agusan del Norte, Agusan del Sur, Bukidnon, Sultan Kudarat,
Maguindanao, at North Cotabato. (Roderick Bautista)
0 comments:
Mag-post ng isang Komento