(Kabacan, North Cotabato/ August
13, 2013) ---Isinasagawa ngayong hapon ang Coordinating conference sa munisipyo
bilang paghahanda sa ilalatag na seguridad sa pagsisimula ng mga aktibidad sa
ika-66 na taong pagakakatatag ng bayan ng Kabacan.
Sinabi ngayong umaga sa DXVL
News ni PCInsp. Jordine Maribojo, hepe ng Kabacan PNP na pinaplantsa na nila sa
kasalukuyan ang binalangkas na security plan para sa buong linggong selebrasyon
ng kapiestahan ng Kabacan.
Aniya, maliban sa
pakikipag-ugnayan sa PNP, nagpadagdag na rin siya ng pwersa sa kanyang mga
tauhan na ipapakalat araw at gabi sa mga lugar kungsaan gagawin ang aktibidad.
Nabatid na magsisimula na bukas
ang ilang mga aktibidad para sa nasabing selebrasyon kabilang na dito ang Tree
Growing na pangungunahan ng MENRO at ang employment Caravan at Jobs Fair and
Anti-illegal recruitment campaign.
Sa ngayon may mga BPAT at mga
elemento na ng pulisya na ipapakalat sa lahat ng sulok ng Poblacion maliban pa
sa police visibility sa mga matataong lugar, kagaya ng Munisipyo, parke, pamilihang
bayan, palengke, terminal at maging sa USM Avenue. (Rhoderick Beñez)
0 comments:
Mag-post ng isang Komento