(Kabacan,
North Cotabato/ August 12, 2013) ----Patuloy ngayon ang ginagawang pagsisiyasat
ng mga kapulisan sa panibagong pagsabog na nangyari kaninang madaling araw.
Batay
sa nakalap na impormasyon ng DXVL News mula sa LGU Kabacan isang launcher
grenade ang sumabog sa bubong ng Comelec Office ng Kabacan na nasa Municipal
Compound alas 2:46 kaninang madaling araw.
Wasak
ang nasabing bubong habang inaalam pa ang ilang mga napinsala sa loob ng
nasabing tanggapan.
Hindi
pa umano napasok ng PNP ang nasabing opisina kaninang madaling araw dahil sa
sarado pa ito.
Agad
na kinordon ngayong umaga ang nasabing tanggapan habang inaalam pa ng mga
otoridad kung anu ang motibo sa nasabing pagpapasabog.
Wala
namang may nasawi o nasaktan sa nasabing pagsabog. Matatandaan na nitong
Biyernes ng gabi ay ginulantang din ng pagsabog ang bayan na ikinasugat ng apat
katao.
Ito
na ang ikalawang pagsabog sa bayan sa loob lamang ng isang linggo.
Samantala
sa iba pang mga balita, isang 80-anyos na lola ang dumulog sa DXVL ngayong
umaga upang humingi ng tulong sa mga taong may bukas puso.
Ito
dahil sa wala umanong kakayahan ang kanyang pamankin na bayaran ang kanilang
bills sa USM hospital na nanganak kagabi.
Bukod
dito, ay ini-refer na rin ng DXVL ang nasabing sumbong sa MWSDO Kabacan para
matulungan ang mga ito. (Rhoderick Beñez)
0 comments:
Mag-post ng isang Komento