(Midsayap, North
Cotabato/ August 13, 2013) ---Nais ni Rep. Jesus N. Sacdalan na magsagawa ng
survey ang Department of Public Works and Highways o DPWH sa unang siyam na
farm-to-market roads o FMR sa unang distrito ng North Cotabato.
Partikular nang isinumite ng kongreista ang
kahilingan nito sa DPWH Cotabato Second Engineering District Office upang
maisagawa na ng ahensya ang pagsisiyasat sa mismong mga kalsada.
Nabatid na isasagawa ang survey sa dalawang
mga bayan ng distrito uno.
Sa Midsayap, kinabibilangan ito ng Villarica- Ilbocean-
Anonang- Barongis FMR, Agriculture- Bobonao FMR, Central Glad- Lower Glad-
Rangaban FMR, Nes FMR at Villarica- San Isidro FMR.
Samantala, sa bayan ng Libungan ay kasali ang
Gumaga FMR, Sinawingan FMR, at Batiocan FMR.
Layunin ng survey na malaman ang
kakailanganing pondo para sa konstruksyon ng mga FMR sa nabanggit na mga lugar.
Ayon sa pamunuan ng unang distrito ng North
Cotabato, kailangang matutukan ang mga FMR upang maibsan ang hirap ng mga
magsasaka sa pagdadala ng kanilang produkto patungo sa pamilihang bayan.
(Roderick Bautista)
0 comments:
Mag-post ng isang Komento