(Midsayap,
North Cotabato/ July 24, 2013) ---Abot sa limang milyong piso ang inilaang
pondo para ipatupad ang konstruksyon ng Sadaan- Sta. Cruz- Bitoka
Farm-to-Market Road sa bayan ng Midsayap, North Cotabato.
Ito ang
kinumpirma ng tanggapan ni North Cotabato 1st District Rep. Jesus
Sacdalan sa katanungan ng ilang residente sa mga nabanggit na barangay kung
kailan sisimulan ang pagsasaayos ng kalsada sa kanilang lugar.
Ayon sa
plano, higit sa limandaang metro ang haba ng kalsadang isasailalim sa
konstruksyon, ito ayon sa report ni PPALMA News Correspondent Roderick Bautista.
Sinabi ni
First Congressional District Office Infrastructure Focal Person Engr. Jerry J.
Pieldad na nitong Hulyo a-3 ng taong kasalukuyan ay sumailalim na sa bidding
ang nasabing proyekto.
Aniya,
hinihintay na lamang ang Notice to Proceed o NTP na ilalabas ng DPWH Cotabato
Second Engineering District Office upang masimulan na agad ang proyekto.
Ang nabanggit
na road section ang nagsisilbing pangunahing daan ng mga magsasaka sa lugar
upang madala ang kanilang produkto tungo sa pamilihang bayan ng Midsayap.
(Roderick Bautista)
0 comments:
Mag-post ng isang Komento