(Kabacan, North Cotabato/ July 23, 2013) ---Limang
pamilya na ang naging benepisyaryo ng libreng kabaong at balsamo na programa ng
Pamahalaang Lokal ng Kabacan para sa mga indigent na residente ng bayan.
Sinabi sa DXVL Radyo ng Bayan ni Mayor Herlo
Guzman, Jr. na bahagi ito ng kanilang programa ng LGU Kabacan bilang tulong sa
mga mahihirap na residente ng bayan na di kayang mabigyan ng disenteng libing
ang kanilang mga kamag-anak.
Aniya marami pa umano siyang nilulutong mga
programa para sa mga Kabakeños bukod pa sa pagtutok nito sa usapin ng peace and
order sa bayan.
Malaking hamon umano para sa kanya bilang
punong ehekutibo ang peace and order ng Kabacan, dahil ayon sa kanyang kritiko
ay hindi umano nito kaya resolbahin ang nasabing problema.
Pero ayon kay Guzman, ilang araw pa lamang
siya umupo bilang bagong alkalde ng Kabacan ay unti-unti na nitong natugunan
ang nasabing problema partikular na ang droga sa Purok Krislam na itinuturing
na drug den sa Kabacan.
Todo suporta din siya sa pulisya at militar
para tuluyan ng matuldukan ang sinasabing “eye sore” sa paglago ng ekonomiya ng
Kabacan. (Rhoderick Beñez)
0 comments:
Mag-post ng isang Komento