Justice for Fr. Pops Movement, dismayado sa mabagal na paggulong ng kaso

(Arakan, North Cotabato/ July 25, 2013) ---Isinagawa kahapon sa bayan ng Arakan ang Clarificatory hearing hinggil sa nangyaring pagpaslang kay Father Fausto Tentorio PIME.

Sa panayam ng DXVL News kay Justice for Fr. Pops Movement Leader Father Peter Geremia, tinawag ng bagong Regional Prosecutor na si Atty. Al Calica ang mga akusado, testigo at mga abogado kapwa mula sa dalawang kampo para dumalo sa nasabing ocular inspection at clarificatory hearing.

Aminado ang pari na matagal ang proseso kungsaan umabot na ng dalawang taon ang kaso ni Father Pops, pero hanggang ngayon ay di pa rin siya nabigyan ng Hustisya.

Samantala, dismayado si Father Peter Geremia, leader ng Justice for Fr. Pops Movement sa mabagal na paggulong ng kaso sa pinaslang na Italyanong Pari na si Father Pops Tentorio PIME sa Bayan ng Arakan, mga dalawang taon na ang nakakaraan.

Aniya, hindi umano natapos kahapon ang ginawang clarificatory hearing at muling babalik sa nasabing upuan sa susunod na linggo ang nasabing grupo.

Pero sa kabila nito, umaasa naman si Geremia na malaki ang magiging kaunlaran sa kaso kasaling babalik sa clarificatory hearing ang mga ito sa araw ng Miyerkules sa susunod na linggo.

Kaugnay nito, gumawa naman ng manifesto ang kanilang pamunaun sa mga private prosecutor na humihiling na pabilisan ang hindi pa natapos na imbestigasyon. (Rhoderick Beñez)