(Kabacan, North Cotabato/ July 22, 2013) ---Ilang
oras bago ang gaganaping State of the Nation Address at ang pagbubukas ng
regular na session ng 16th congress ngayong araw, sasalubungin naman
ng kilos protesta ng mga progresibo at militanteng grupo dito sa bayan ng
Kabacan ang nasabing aktibidad.
Sa panayam ng DXVL News sa tagapagsalita ng
LFS-North Cotabato na si Jamelon Ariraya, nakatakdang magsagawa ng
militansiyang pagkilos ang kanilang grupo ala 1:00 ng hapon sa loob ng
University of Southern Mindanao, USM Main campus.
Sinabi ni Ariraya na ang kanilang pagkilos
ay tugon sa gagawing SONA ng Pangulong Aquino at bahagi ng kanilang moral at
socio-political obligation na ipahayag sa mga kabataan ang social awareness.
Bukod sa nasabing grupo, mahigit 200 mga
kinatawan naman mula sa international Groups buhat sa mga bansang China, Japan,
Korea, United States, Switzerland at iba pang bansa ang lalahok sa
kilos-protesta sa ika-apat na SONA ng Pangulo. (Rhoderick Beñez)
0 comments:
Mag-post ng isang Komento