(Kabacan,
North Cotabato/ July 19, 2013) ---Para matukoy kung kolurom ang mga
bumabiyaheng tricycle at trisikad sa bayan ng Kabacan, magpapatupad ng color
coding ang Pamahalaang Lokal ng Bayan.
Ito ang isa
sa mga pinag-usapan kahapon sa ipinatawag na pagpupulong ni Kabacan Mayor Herlo
Guzman Jr., sa mga transport sektor sa bayan.
Sa
eksklusibong panayam ng DXVL News sa punong ehekutibo sinabi nitong
pipinturahan ng kulay Dalandan o Orange
ang lahat ng mga bumibiyaheng sikad at tricycle.
Ibigsabihin
kapag walang colorcoding ang nasabing sasakyan, tiyak aniyang kolurom ang mga
ito.
Bukod dito,
planu din ng opisyal na palagyan ng luminous na numero ang mga bumibiyaheng
sikad at tricycle, ito para madaling makita kahit gabi ang numbers ng mga ito.
Dapat din
umanong mag-parehistro sa Night pass ang mga sasakyang babiyahe kung gabi sa
PNP para maiwasan rin ang pagkalat ng mga sasakyang ginagamit ng mga masasamang
loob.
Sinabi ni
Guzman na sisikapin nitong tutukan ang peace and order sa bayan ito para
maibalik ang kumpiyansa ng taong bayan at makahikayat pa ng maraming
mamumuhunan sa Kabacan at maisulong ang pag-unlad ng bayan. (Rhoderick Beñez)
0 comments:
Mag-post ng isang Komento