(Datu
Montawal, Maguindanao/ July 19, 2013) ---Arestado ng pinagsanib na pwersa ng
mga militar at pulisya ang dalawa katao na responsable sa pang-hohold-up na
nangyari sa Brgy. Pagagawan, partikular sa National Highway ng bayan ng Datu
Montawal, Maguindanao alas 11:23 ng gabi kamakalawa.
Sa report ni
Lt. Benjamin Peralta ng Philippine Army tinatahak umano ng Isuzu Elf Cargo
Truck ang nasabing kahabaan at pagdating sa nabanggit na lugar ay pinara ng
dalawang tao at hinold-up ang nasabing sasakyan.
Nakuha mula
sa mga biktima ang abot sa P30 libung piso, ayon sa report.
Agad namang
nagsagawa ng hot pursuit operation ang mga elemento ng Datu Montawal MPS na
pinamumunuan ni PInsp. Pajaro at 1Lt. Larry Valdez ng 7th IB na
nagresulta sa pagkakahuli ng mga suspek.
Kinilala ang
mga salarin na sina Wabi Saindal Tampaling, 37 at Kadaffi Kalipungan Maida, 35
kapwa residente ng mga nabanggit na lugar.
Rekober mula
sa mga suspek ang 1 revolver magnum 357, smith and Wesson na may 12 rds live
ammos, 1 kalibre .45 na pistol at isang motorcycle Kawasaki 125 na may license
plate MY 4955.
Nagtamo
naman ng sugat ang biktima sa ulo na kinilalang si Nasrudin Tingco, 20-anyos,
truck helper at residente ng Cotabato City.
Mabilis
namang isinugod ang biktima sa bahay pagamutan para mabigyan ng karampatang
lunas.
Sa ngayon
inihahanda na ng mga otoridad ang kasong isasampa laban sa mga suspetsado. (Rhoderick
Beñez)
0 comments:
Mag-post ng isang Komento