(Kabacan, North Cotabato/ July 17, 2013) ---Ipinanukala
ni Councilor Jonathan Tabara, may hawak ng Committee on finance ng Sanggunian
ang kahilingan na magpasa ng resolution ang Sangguniang bayan ng Kabacan na
mabigyan ng bagong sasakyan ang Kabacan PNP.
Ang nasabing panukala ay ipinapayo ni
P/Supt. Noel Kinazo, ang Deputy Provincial Director for Operations ng Cotabato
Provincial Police Office matapos na mabigyan ng bagong Patrol Car ang
Pigcawayan PNP.
Ang sulat kahilingan ay ipapadala kay DILG
secretary Mar Roxas.
Umaasa naman si Kinazo na matutugunan ang
nasabing kahilingan.
Si Kinazo ang nag-represinta kay SSupt.
Danilo Peralta Provincial Director ng Cotabato PNP sa MPOC meeting kahapon.
Sa kanyang pag-uulat sinabi nitong ang
Kidapawan City at ang Kabacan ang may mataas na crime index nitong mga nagdaang
taon batay sa pinakahuling crime statistics na inilabas ng kanilang tanggapan.
Ang nasabing ulat ay posibleng makakaapekto
sa takbo ng kalakalan at negosyo sa nasabing lugar.
Aniya, 2011-nakapagtala ang Kabacan ng 13
carnapping incidents; habang 2012 26 carnapping incidents; 2011-8 shooting
incidents, 2012-25 shooting incidents; 2011-8 kaso ng nakawan, 2012-28 kaso ng
nakawan at 12 kaso ng robbery 2011 tumaas naman ang robbery kungsaan
nakapagtala sila ng 20 kaso ng robbery 2012. Rhoderick Beñez
0 comments:
Mag-post ng isang Komento