PDRRMC North Cotabato may paalala na huwag matakot sa panahon ng lindol

(Kabacan, North Cotabato/ July 18, 2013) ---Muling nagpaalala ngayon ang pamunuan ng North Cotabato Provincial Disaster Risk Reduction Management Council sa publiko na wag matakot sa panahon ng Lindol.

Ginawa ni PDRRMC Officer Cynthia Ortega ang pahayag sa DXVL News Radyo ng Bayan matapos na muling niyanig ng malakas na paglindol ang bayan ng Carmen kamakawala ng umaga.Aniya, sa panahon ng lindol humanap ng ligtas na lugar at tiyaking di matutumbahan ng mga poste at anung mang bagay na babagsak.

Kaugnay nito, nilimitahan ng hanggang walong tonelada ang mga truck at four-wheel vehicles na dumadaan sa nasabing mga tulay kung saan kailangan pa na ibaba ng mga pasahero ang kanilang mga bagahe at tumawid.

Nabatid na muling niyanig ng 5.2 magnitude na lindol ang bayan ng Carmen noong Lunes ng umaga at sinasabi ng Phivolcs Kidapawan na bahagi pa umano ito ng aftershocks makaraang tumama ang 5.7 magnitude na lindol sa naturang bayan noong Hunyo 1. (Rhoderick Beñez)