(Midsayap,
North cotabato/ July 14, 2013) ---Positibo ang pamunuan ng Cotabato Electric
Cooperative o Cotelco- PPALMA na matatalakay ngayong araw sa ika- 31 Annual
General Membership Assembly ng kooperatiba ang pagnanais nitong humiwalay mula
sa Cotelco- Main na nakabase sa Matalam, North Cotabato.
Sa
pagpupulong kamakailan ng PPALMA Multi- Sectoral Electrification Advisory
Council ay napagkasunduang hilingin sa Cotelco general assembly na payagan ang
Cotelco-PPALMA na kumuha ng sarili nitong legislative franchise.
Nabatid na gagawain
ngayong araw sa bayan ng Matalam ang pagtitipon ng member- consumers ng
Cotelco.
Inihayag
naman ni North Cotabato First District Rep. Jesus Sacdalan ang buong suporta
nito kapag tinalakay na sa congressional franchise committee ang panukalang
batas na magtatakda sa pagbibigay ng sariling prangkisa sa Cotelco- PPALMA.
Ngunit
iginiit ng opisyal na kailangang konsultahin ang mga konsumidores tungkol dito
at siguruhing magmumula mismo sa kanila ang pagnanais na tuluyang humiwalay sa
Cotelco- Main.
Kung maipasa
na sa kongreso ay magiging Cotelco 2 ang itatawag sa kooperatiba.
Siserbisyuhan
ng Cotelco 2 ang mga bayan ng Pikit, Pigcawayan, Alamada, Libungan, Midsayap at
Aleosan na bumubuo sa PPALMA area.
Noong Oktubre
2012 ay matatandaang inaprubahan ng National Electrification Administration o
NEA na mag- operate ang Cotelco-PPALMA bilang ‘separate business entity’ ng
Cotelco- Main. (Roderick Rivera Bautista)
0 comments:
Mag-post ng isang Komento