(Kabacan, North Cotabato/ July 17, 2013) ---Matapos
na ipatupad ng bagong hepe ng Kabacan PNP ang “No Plate no travel Policy” agad
na naka-impound ang mga ito ng 3 motorsiklo na walang mga plaka.
Ang pagkakakumpiska ng tatlong motorsiklo ay
nahuli kahapon ng madaling araw sa oplan sikpaw, oplan sita at sa nagpapatuloy
na operation kapkap bakal ng Kabacan PNP na pinangungunahan ng bagong chief of
Police ng Kabacan MPS na si PCInsp. Jordine Maribojo.
Iginiit naman ni Maribojo na dapat ay maging
modelo rin ang mga alagad ng batas matapos na masabon ang isa sa tauhan nito ng
sumita ng “No Helmet No Travel Policy”.
Ito makaraang nakalusot ang isang motorista
na walang helmet pero ang isa pumalag matapos na sitahin ng pulisya na wala
ring suot na helmet.
Sinabi ni Maribojo na maging ang alagad ng
batas at maging ang kawani ng munisipyo ay di rin sumusuot ng helmet, kaya
hindi naging magandang modelo ang mga ito.
Maliban dito, palalakasin nito ang oplan
sita dahil karamihan sa mga motorsiklo na ginagamit ng mga masasamang loob ay
walang mga plaka, kaya kapag walang kaukulang dokumento at plaka ang sasakyan,
agad na iimpound nila ito. Rhoderick Beñez
0 comments:
Mag-post ng isang Komento