(Makilala,
North Cotabato/March 28, 2012) ---Nagkasagupa ang mahigit kumulang sa
dalawampung mga armadong miyembro ng New People’s Army o NPA at ang tropa ng militar
sa may Sitio Kapatagan, Brgy. Luayon, Makilala, North Cotabato kahapon ng
tanghali.
Ayon
kay 6th Division Public Affairs Chief Col. Prudencio Asto nangyari
ang engkwentro habang nagsasagawa ng combat patrol operations ang tropa ng militar
sa lugar.
Umabot
sa dalawampung minuto ang palitan ng putok sa dalawang panig, kungsaan agad
namang umatras ang mga kalaban na pinamumunuan ni alias Bunso ng guerilla front
72 papunta sa Kapatagan Proper at Sitio Luayon ng nabanggit na lugar.
Sinabi
pa ng opisyal na ang nasabing bakbakn ay nagresulta sa di matukoy na casualties
sa panig ng NPA habang wala namang nasugatan sa panig ng pamahalaan.
Sa
ngayon patuloy ang ginagawang clearing operations ng mga sundalo sa erya.
Una
dito, naniniwala si Asto na pakitang gilas lamang umano ito ng mga makakaliwang
grupo dahil sa papalapit na 43rd Anniversary ng Communist Party of
the Philippines o CPP-NPA sa Marso a-29. (Rhodz Beñez)
0 comments:
Mag-post ng isang Komento