(Kidapawan City/March 31, 2012) ---Kasabay
ng pagtatapos ng selebrasyon ng Women’s Month ngayong buwan ay isinisigaw din
ng mga kababaihan sa North Cotabato ang kanilang posisyon na pagtutol sa plano
ng gubyerno na isapribado ang Metro Kidapawan Water District o MKWD.
Ayon sa grupo higit na kawawa ang mga
water concessionaire kung nasa kamay na ng private sector ang naturang government-owned
and controlled corporation.
Anila, kapag mga negosyante na umano ang
may hawak ng MKWD, nagiging negosyo na ang tubig sa halip basic necessity ito
na bagay namang inalmahan ng grupong Gabriela North Cotabato, Network of
Women-North Cotabato at ang MKWD Women Employees Association.
Ibig sabihin, wala na sila’ng
pakundangan sa pagpapataas sa presyo ng kada kubico ng tubig para lamang
magkamal ng malaking kita.
Bilang tugon, sumulat ang grupo ng
kanilang posisyon hinggil sa kanilang pagtutol.
Ang kanilang posisyon isinulat nila
sa pamamagitan ng isang petisyon na isusumite nila sa opisina ni Pangulong
Aquino, Senate President Juan Ponce Enrile, House Speaker at Congressman Sonny
Belmonte, Congressman Teddy Casino ng Bayan Muna party-list, Gabriela
party-list Rep. Luz Ilagan, Cotabato 2nd district Rep. Nancy
Catamco, at Cotabato Governor Lala Mendoza.
Nakiusap ang grupo sa mga opisyal ng
gubyerno na tratuhin na isang ‘basic necessity’ o batayang pangangailangan ang
tubig na dapat panghawakan o pagmay-arian ng national government.
Umaasa ang grupo ng kababaihan na
tugunan ng positibo ng PNoy administration ang kanilang petisyon.
0 comments:
Mag-post ng isang Komento